Kuri iki cyumweru tariki 06 Ukwakira 2024, hatangiye igikorwa cyo gutanga urukingo rwa Virus ya Marburg. Ku ikubitiro, abakora mu nzego z’ubuvuzi akaba aribo bahawe urukingo rutanwa inshuro imwe gusa.
Mu masaha y’umugoroba, umunyamabanga wa leta muri minisiteri y’ubuzima Yvan Butera yasuye ahari gutangirwa izi nkingo, yashimiye abakora umwuga w’ubuvuzi uruhare bakomeje kugaragaza mu guhangana n’iki cyorezo.
Ubwo yari muu kiganiro n’itangazamakuru, Minisitiri w’ubuzima Sabin Nsanzimana, yamaze impungenge abumva ko uru rukingo rutanzwe mu rwego rw’igerageza.
Ati” “Abantu ntibagire impungenge. Urukingo rwa Marburg rugiye gutangwa rwagiye rukoreshwa no mu bindi bihugu birimo Uganda, Kenya n’ahandi kandi abaruhawe rwabagiriye akamaro.”
Kugeza ubu hari imiti 2 ifasha abarwayi iri gukoreshwa mu Rwanda ari yo Remdesivir na Monoclonal antibodies. U Rwanda kandi rwaraye rwakiriye doze 700 z’urukingo rutangira gutangwa uyu munsi haherewe ku baganga n’abakora mu mavuriro.
Photo: x.com/RwandaHealth
